ABŞ İrana görə Çinə sanksiya tətbiq etməyə hazırlaşır

ABŞ yüksək texnologiyalı müşahidə avadanlığı istehsal edən Çin şirkətlərinə sanksiya tətbiq edə bilər.

Mənbə iddia edir ki, səbəb Çin şirkətlərinin İrana yeni texnologiya vasitələri satması ilə əlaqədardır.

Qeyd olunur ki, söhbət ilk növbədə İran İslam İnqilabı Keşikçiləri Korpusuna (SEPAH) yüksək texnologiya avadanlığını satan “Tiandy Technologies”dən gedir.

Artıq Çin istehsalçılarına qarşı mümkün sanksiyalar ABŞ Dövlət Departamenti və ABŞ Maliyyə Nazirliyi tərəfindən nəzərdən keçirilir.

Mənbə: The Wall Street Journal