Çin sualtı sistemlərdə əlaqə yaratmaq, zəlzələ və mineral təsbit etmək məqsədilə Nyu-York şəhərinin beş qatı böyüklükdə bir torpaq sahəsi üzərində nəhəng radio anteni qurub.
Oxu.Az xəbər verir ki, Çin sualtı sistemlərlə əlaqə qurmaq üçün Naqilsiz Elektromaqnit Üsullarını inkişaf etdirib.
Bu texnologiya ilə Çin yüz metr dərinlikdəki cihazlarla əlaqə yaratmağa nail olacaq. Sistem vasitəsilə torpağa radiodalğalar (ELF siqnalları) göndəriləcək, bununla dünyanın siqnallarının qəbul edilməsinə nail olunacaq.
Antenin inşası 13 il davam edib. Təsisin yerinin gizliliyinin qorunması üçün mövzu ilə bağlı araşdırmalar aparan alimlərə də məlumat verilmədiyi iddia edilir.
Tədqiqatçılar antenin 0,1-300 hertz tezliyində zəif tezlikli radio dalğalarını yayacağını bildiriblər. Ancaq Dünya Sağlamlıq Təşkilatının bağlı olduğu Beynəlxalq Xərçəng Araşdırma Agentliyi bu dalğaları xərçənglə əlaqələndiriblər.
Alimlərin sözlərinə görə, naqilsiz siqnallar sadəcə atmosferdən deyil, eyni zamanda, 3500 kilometrə qədər bir aralıqda dünyanın qabığından keçir.
Aparılan araşdırmalar göstərib ki, uzun müddət ELF siqnallarına məruz qalan insanlarda uşaqlıqda leykoz riski artır.
