Bakıda sərxoş qadın sürücü polisi təhqir etdi – VİDEO

Gecə Bakının Səbail rayonu Neftçilər prospektində yol hərəkəti qaydalarını kobud surətdə pozan xanım sürücü yol patrul xidmətinin əməkdaşlarına çətin anlar yaşadıb.

Oxu.Az ANS TV-yə istinadən xəbər verir ki, yol polisinin saxla əmrinə tabe olan sürücü ilk olaraq avtomobildən düşmək istəməyib. 

Daha sonra sərxoşluğunun müəyyən edilməsi üçün məntəqəyə aparılmağa razılıq verən xanım burada, nədənsə, polis əməkdaşlarını təhqir edərək fikrini dəyişdirib. 

Yanında ailəsi və azyaşlı övladları olan və sərxoş halda sükan arxasına əyləşən xanım sürücü həkim müayinəsindən imtina etdi. 

Azyaşlı övladları ilə birlikdə ilk olaraq avtomobilini ələk-vələk etməyə başlayan xanım sürücü daha sonra isə ərazidən qaçıb. Bu zaman onun yanında əvvəl sərnişin kimi əyləşən orta yaşlı bir kişi isə avtomobili ərazidən qaçırmaq istəyib. Buna isə Yol Patrul Xidmətinin əməkdaşları mane olublar.

Yol Patrul Xidmətinin əməkdaşlarının keçirdiyi reyd zamanı saxlanılan xanım sürücünün ad və soyadının Vüsalə Hətəmova olduğu məlum olub. Müayinədən keçməməsinə baxmayaraq onun inzibati məsuliyyətə cəlb ediləcəyi bildirildi.

Bakıda sərxoş qadın sürücü polisi təhqir etdi – VİDEO

E.Ə.
www.oxu.az