Oqtay Əsədov: Biz artıq matəm üzərində köklənməyəcəyik

Milli Məclisin bu gün keçirilən iclasında sədr Oqtay Əsədov deputat Fəzail İbrahimlinin çıxışı zamanı səslənən “erməni obrazı” ifadəsinə şərh verib.

Oxu.Az-ın APA-ya istinadən məlumatına görə, O.Əsədov bildirib ki, Azərbaycana təcavüz edən Ermənistan öz gücünə yox, havadarlarının - arxasında duran qüvvələrin hesabına bunu edib: 

“Necə deyərlər, arxalı köpək qurd basar. Amma artıq Azərbaycanın prezident İlham Əliyevin başçılığı altında böyük gücü var və biz öz gücümüzə arxalanarıq. Ermənilər isə hələ də yox. Bax, budur erməni obrazı. Biz artıq ağlaşma, matəm üzərində köklənməyəcəyik”.

E.Ə.
www.oxu.az