Binadan yıxılan bir yaşlı uşaq öldü – YENİLƏNİB
Binadan yıxılan bir yaşlı uşaq öldü – YENİLƏNİB
2 gün əvvəl Bakı şəhəri, Binəqədi rayonu, 7-ci mikrorayonda binanın pəncərəsindən yıxılan bir yaşlı qız vəfat edib.
Oxu.Az xəbər verir ki, Lent.az-ın məlumatına görə, Abay Kunanbayev küçəsi, bina 3, mənzil 37 ünvanında yaşayan və nəzarətsiz qalması nəticəsində 3-cü mərtəbədəki mənzilin pəncərəsindən yıxılaraq ağır xəsarət alan 2016-ci il təvəllüdlü Əmənova Rüqayyə Elnur qızının həyatını xilas etmək mümkün olmayıb.
Bildirilir ki, 1 yaşlı Rüqayyə yenicə yeriməyə başlayıbmış və evin pəncərəsindəki tora toxunarkən 3-cü mərtəbədən yerə yıxılıb. Uşaq ağır kəllə-beyin travması alaraq xəstəxanaya yerləşdirilib. Lakin həkimlərin səyinə baxmayaraq, onun həyatını xilas etmək mümkün olmayıb.
Faktla bağlı Binəqədi rayon Prokurorluğunda Cinayət Məcəlləsinin 124-cü (ehtiyatsızlıqdan adam öldürmə) maddəsi ilə iş başlanılıb, araşdırma aparılır.
23.07.2017 14:54
Bakıda 1 yaşlı uşaq binanın 3-cü mərtəbəsindən yerə yıxılıb.
Oxu.Az Report-a istinadən xəbər verir ki, bədbəxt hadisə Binəqədi rayonunda qeydə alınıb.
Belə ki, 7-ci mikrorayon, Abay Kunanbayev küçəsi bina 3 mənzil 37 ünvanında yaşayan 2016-ci il təvəllüdlü Əmənova Rüqayyə Elnur qızı evin pəncərəsindəki tora toxunarkən 3-cü mərtəbədən yerə yıxılıb. Uşaq ağır kəllə-beyin travması alaraq xəstəxanaya yerləşdirilib.
Həkimlər onun vəziyyətini ağır kimi qiymətləndirir.
A.M.