Həbs olunan prokurorun yerinə yeni təyinat

İsmayıllıya yeni prokuror təyinat alıb.

Bu barədə Oxu.Az-a Baş Prokurorluğun mətbuat xidmətinin rəhbəri Eldar Sultanov bildirib.

Onun sözlərinə görə, təyinat barədə baş prokuror Zakir Qaralov müvafiq əmr imzalayıb. Əmrə əsasən, İsmayıllı rayon prokuroru vəzifəsinin icrası Tural Yusifova tapşırılıb. O, əvvəllər baş prokurorun böyük köməkçisi vəzifəsində çalışıb.

Qeyd edək ki, İsmayıllı rayon prokuroru Ülvi Abbasov və onun böyük köməkçisi Faiq Quliyev korrupsiya ittihamı ilə həbs edilib.

İlhamə Əbülfət
www.oxu.az