Avtomobil Yolları Dövlət Agentliyinin səlahiyyətləri artırılır
Avtomobil Yolları Dövlət Agentliyinin səlahiyyətləri artırılır
Azərbaycan Avtomobil Yolları Dövlət Agentliyinin (AAYDA) səlahiyyətləri artırılır.
Oxu.Az-ın xəbərinə görə, Milli Məclisin (MM) bu gün keçirilən plenar iclasında “Avtomobil yolları haqqında” qanuna dəyişiklik layihəsinin müzakirəsi zamanı bildirilib ki, bundan sonra AAYDA öz fəaliyyət istiqamətləri üzrə müvafiq işləri lisenziya və icazə olmadan həyata keçirə biləcək.
Qanun 21-ci (Yol təsərrüfatının idarə edilməsi) maddəsində dəqiqləşdirmə aparılıb:
“Müvafiq icra hakimiyyəti orqanının müəyyən etdiyi orqana (quruma) öz fəaliyyət istiqamətləri üzrə müvafiq işlərin görülməsi üçün müvafiq icra hakimiyyəti orqanının müəyyən etdiyi orqanın (qurumun) təsdiq etdiyi siyahıda nəzərdə tutulan lisenziya və icazələrin alınması tələb olunmur”.
Qeyd edək ki, prezident İlham Əliyevin imzası ilə MM-ə daxil olan qanun layihəsi səsverməyə çıxarılaraq qəbul edilib.
Kamil HƏMZƏOĞLU
www.oxu.az
Oxu.Az yeniləndi!