Lənkəranın Vilvan kəndində elektrik enerjisinin verilişi bərpa olundu

Lənkəran rayonunun Vilvan kəndində elektrik enerjisinin verilişi bərpa olunub.

Oxu.Az AZƏRTAC-a istinadən xəbər verir ki, bu barədə kənd sakinləri məlumat veriblər.

Qeyd edək ki, günorta saatlarında güclü külək nəticəsində iri gövdəli ağac aşaraq elektrik xətlərində problem yaratmışdı. Aidiyyəti qurumlar tərəfindən lazımı tədbirlər görülərək işıqsız qalan kəndə elektrik enerjisinin verilişi bərpa edilib.

14:08

Lənkəranda güclü külək Lənkəran-Boradigah-Masallı magistralının Vilvan kəndi ərazisində irigövdəli ağacı yola aşırıb.

Oxu.Az APA-ya istinadla xəbər verir ki, nəticədə kəndin elektrik təsərrüfatına ciddi ziyan dəyib, 850 abonent işıqsız qalıb.

Əraziyə aidiyyəti qurumların əməkdaşları cəlb olunublar. Ağacın magistral yoldan götürülməsi və kəndin elektrik enerjisi ilə təchizatının bərpası üçün işlər aparılır.

Lənkəranın Vilvan kəndində elektrik enerjisinin verilişi bərpa olundu