"Almaniya səfirinin dəstəklədiyi qrup "Gürcü arzusu"nun qərargahına hücum edib".
Oxu.Az xəbər verir ki, bu barədə Gürcüstan parlamentinin sədri Şalva Papuaşvili "Facebook" hesabında yazıb.
"Dünən Almaniya səfirinin dəstəklədiyi ekstremist qrup yenidən "Gürcü arzusu"nun Tbilisidəki seçki qərargahına və oradakı insanlara hücum edib", - deyə məlumatda bildirilir.
Papuaşvilinin sözlərinə görə, qrup üzvləri tərəfindən nifrət və zorakılıq təzahürləri müşahidə olunub. O, həmçinin vurğulayıb ki, Almaniya səfiri tərəfindən onların hərəkətinə heç bir ictimai qınaq olmayıb.
