:1200.jpg)
Moskva vilayətində yerləşən “Crocus City Hall” konsert kompleksində terror aktı nəticəsində yaralananlardan 16 nəfərinin vəziyyəti çox ağırdır. Onlardan biri uşaqdır.
Bu barədə Rusiya Səhiyyə Nazirliyi məlumat verib.
Arasında iki uşağın olduğu daha 44 nəfərin vəziyyəti ağır qiymətləndirilir.
Ümumilikdə isə xəstəxanalarda hazırda 107 nəfərin olduğu bildirilir.
32 nəfərə ambulator tibbi yardım göstərilib.
Moskva vilayətinin Səhiyyə Nazirliyi isə artıq ölənlərdən 41 nəfərin şəxsiyyətinin təsdiqləndiyini bildirib. Onlardan biri - Vüqar Fuad oğlu Hüseynov - azərbaycanlıdır.
13:20
“Crocus City Hall”da baş vermiş terror aktı zamanı həlak olan azərbaycanlı barədə yeni məlumatlar əldə olunub.
APA-nın Moskva müxbiri xəbər verir ki, terror aktında həlak olan həmyerlimizin 1983-cü il təvəllüdlü Vüqar Fuad oğlu Hüseynov olduğu məlum olub.
Terror aktı ilə bağlı yaradılmış operativ qərargahdan APA-nın Moskva müxbirinə bildiriblər ki, V.Hüseynovun Azərbaycan və ya Rusiya vətəndaşı olduğu araşdırılır.
12:23
Moskva vilayətinin Səhiyyə Nazirliyi “Crocus City Hall” konsert kompleksində törədilən terror aktı nəticəsində həlak olanlardan şəxsiyyəti müəyyənləşdirilənlərin siyahısını dərc edib.
İlkin siyahıda 37 nəfərin adı var. Onlardan birinin - Vüqar Hüseynovun - azərbaycanlı olmaq ehtimalı var.
11:42
Moskva vilayətində “Crocus City Hall” konsert kompleksində törədilən terror aktı nəticəsində aralarında azyaşlıların olduğu 100-dən çox insan xəstəxanaya yerləşdirilib.
Bu barədə Rusiya Səhiyyə naziri Mixail Muraşko “Rossiya-24” telekanalında məlumat verib.
“115 nəfəri xəstəxanaya yerləşdirdik, onlardan beşi uşaqdır. Bir uşağın vəziyyəti ağırdır”, - deyə o bildirib.
Nazirin sözlərinə görə, daha 60 yetkin yaralının vəziyyəti ağırdır.
O, 30-dan çox insana isə ambulator yardım göstərildiyini vurğulayıb.
Xatırladaq ki, ötən gün “Crocus City Hall” konsert kompleksində terror aktı törədilib. Son məlumatlara görə, hadisə nəticəsində həlak olanların sayı 82 nəfərə çatıb. Ölənlərin və yaralananların sayının artacağı istisna olunmur.
Bundan əvvəl Səhiyyə Nazirliyi terror aktı nəticəsində ölən və yaralananların ilk siyahılarını açıqlayıb.
Rəylər