Türkiyənin Zonquldak bölgəsinin Kilimli rayonunda yerləşən özəl kömür mədənində baş verən partlayış nəticəsində ölənlərin sayı üçə çatıb.
Oxu.Az xəbər verir ki, bu barədə Türkiyə mətbuatında rəsmi qurumlara istinadən məlumatlar yayılıb.
Məlumata görə, partlayışdan dərhal sonra həyata keçirilən axtarış tədbirləri zamanı şaxtada köməksiz vəziyyətdə qalan sonuncu işçinin də meyiti aşkar edilib.
Hadisə ilə bağlı araşdırmalara başlanılıb.
Türkiyənin Zonquldak bölgəsinin Kilimli rayonunda yerləşən özəl kömür mədənində baş verən partlayış nəticəsində iki nəfər həyatını itirib, ikisi ağır olmaqla beş işçi isə xəsarət alıb.
Oxu.Az xəbər verir ki, bu barədə "İhlas" agentliyi məlumat yayıb.
Partlayışla bağlı daxil olan çağırışdan sonra hadisə yerinə çox sayda yanğınsöndürmə və təcili tibbi yardım briqadası göndərilib.
