17 
İyn
2022
13:21
56
11
527
Virtual karabakh

AZCHEMCO şirkəti Vaşinqtonda innovativ layihələrin təqdimatını keçirib - FOTO

17 İyn, 2022
13:21
527

AZCHEMCO şirkəti Vaşinqtonda innovativ layihələrin təqdimatını keçirib - FOTO

Azərbaycanın AZCHEMCO şirkəti Vaşinqtonda keçirilən regional САМСА 2022 (Central Asia, Mongolia, Caucasus, Afganistan) forumunda innovativ layihələrin təqdimatını keçirib.

“Report” xəbər verir ki, şirkət iyunun 16-da keçirilmiş forumun sponsoru qismində çıxış edib.

Təqdimatda AZCHEMCO-nun direktoru Ruslan Akçurin şirkətin məhsullarının bir sıra üstünlükləri barədə danışıb, “Drip Drop 369”, “A3nergy” və “Drip Drop 369P” kimi məhsulların analoqlarının olmadığını vurğulayıb.

Tədbirdə Azərbaycanın ABŞ-dakı səfirliyinin və GoldenPay/Hesab.az, “AzGranata” şirkətinin nümayəndələri iştirak ediblər.

Forumun təşkilatçısı tanınmış alim Frederik Starrın başçılıq etdiyi ABŞ-ın Mərkəzi Asiya və Qafqaz İnstitutu, həmçinin Donald Ramsfeld Fondu olub. Forumda CAMCA regionunun iqtisadi perspektivləri müzakirə olunub. Əsas müzakirə mövzuları Ukraynadakı vəziyyətin regiona təsiri, Cənub və Şərq istiqamətində ticarət və logistika üsullarının dəyişməsi, habelə region və dünya ölkələrində qida təhlükəsizliyi məsələləri olub.

Bizimlə əlaqə saxlayın

Digər İqtisadiyyat xəbərləri