Bakının Nərimanov rayonunda oğurluq hadisəsi baş verib.
Oxu.Az xəbər verir ki, naməlum şəxs obyektlərdən birindən 1 000 manat məbləğində pul oğurlayıb.
Hadisə ilə bağlı araşdırma aparan hüquq-mühafizə orqanları həmin şəxsin bundan başqa, Əhməd Rəcəbli küçəsi, 69 ünvanında da oğurluğa cəhd etdiyini müəyyən ediblər. Lakin o, qapını aça bilmədiyi üçün niyyətini həyata keçirə bilməyib.
Hadisə anı obyektin təhlükəsizlik kameraları tərəfindən qeydə alınıb.
Faktla bağlı araşdırmalar davam edir.
