Ötən gün “Crocus City Hall”da baş vermiş terror aktı səbəbindən Rusiya millisinin Paraqvay yığması ilə yoldaşlıq oyunu ləğv edilib.
Bu barədə Rusiya Futbol İttifaqının Mətbuat Xidməti xəbər verib.
“Krasnoqorskda baş vermiş terror aktı ilə əlaqədar Rusiya Futbol İttifaqı və Paraqvay Futbol Assosiasiyası Rusiya və Paraqvay milli komandaları arasında yoldaşlıq görüşünün ləğvi barədə qərar qəbul ediblər”, - deyə bəyanatda deyilir.
Onlar qeyd ediblər ki, tərəflər görüşün başqa vaxtda keçirilə biləcəyi barədə razılığa gəliblər.
Mənbə: RBK
