"Qalatasaray"ın futbolçusu Barış Alper Yılmazın "Fənərbağça" ilə derbidə meydana çıxması sual altındadır.
Oxu.Az "Sabah" nəşrinə istinadən xəbər verir ki, 26 yaşlı hücumçu UEFA Çempionlar Liqasının III turunda "Lill"ə qarşı səfər matçında (4:2) ayağındakı ağrılara baxmayaraq oynayıb.
Qarşılaşmadan sonra futbolçunun ağrılarının artdığı bildirilir. Onun İstanbul derbisində iştirak edib-etməyəcəyi tibbi müayinələrin nəticələrindən sonra müəyyənləşəcək.
Qeyd edək ki, "Qalatasaray" - "Fənərbağça" qarşılaşması oktyabrın 26-da, Bakı vaxtı ilə saat 22:30-da başlayacaq.
Qaynar xətt:
(055) 224 12 12
