Dırnaqlarda xətlər və ya şırımlar koronavirus keçirmənin əlaməti ola bilər.
“Metro”nun məlumatına görə, belə gözlənilməz simptom barədə britaniyalı professor Tim Spektor bəyan edib.
O, özünün “Twitter” hesabında belə dırnaqların fotosunu paylaşıb.
Do your nails look odd? COVID nails are increasingly being recognised as the nails recover after infection and the growth recovers leaving a clear line. Can occur without skin rashes and appears harmless pic.twitter.com/Q1Lfdrc9Dc
— Tim Spector (@timspector) May 3, 2021
Bununla belə, professor əlamətin hamıda görülmədiyini vurğulayıb.
“Bu səpkilər, qırışlar və sair kimi simptomlardan biridir”, - deyə o, qeyd edib.
T.Spektor əlavə edib ki, dırnaqda xətlər zərərsiz görünsə də, onların qəfil ortaya çıxması nəinki koronavirus, həmçinin qızılca, skarlatina, yaxud qulaqdibi xəstəliyinin əlaməti ola bilər, bundan başqa qalxanvari vəzi, diabet və anemiya zamanı ortaya çıxa bilər.
