Almatıda Azərbaycan və Ermənistan XİN rəhbərləri arasında danışıqlar başa çatıb - YENİLƏNİB + VİDEO

Almatıda Azərbaycan və Ermənistan xarici işlər nazirləri Ceyhun Bayramov və Ararat Mirzoyan arasında danışıqlar başa çatıb.

Oxu.Az xəbər verir ki, danışıqlar dörd saat davam edib.

Danışıqlar əvvəlcə Qazaxıstan XİN rəhbərinin iştirakı ilə baş tutub, daha sonra görüş təkbətək formatda davam edib.

Qeyd edək ki, danışıqların ikinci mərhələsi sabah baş tutacaq.

Mənbə: Ermənistan KİV

15:11

Azərbaycan və Ermənistan xarici işlər nazirlərinin Almatıdakı danışıqları iki gün davam edəcək.

Bu barədə APA-nın Almatıya ezam olunmuş əməkdaşı xəbər verib.

Qeyd edək ki, hazırda XİN rəhbərlərinin görüşü davam edir.

14:08

Almatıda Azərbaycan xarici işlər naziri Ceyhun Bayramovla erməni həmkarı Ararat Mirzoyan arasında görüş başlayıb.

APA-nın Almatıya ezam olunmuş əməkdaşı xəbər verir ki, “Sülhün və dövlətlərarası münasibətlərin təsis edilməsi haqqında ikitərəfli Saziş” layihəsi üzrə danışıqların növbəti raundu keçirilir.

Görüş Almatıda keçirilsə də, Qazaxıstan tərəfi vasitəçi deyil.

09:02

Bu gün Azərbaycan xarici işlər naziri Ceyhun Bayramov və Ermənistan xarici işlər naziri Ararat Mirzoyan arasında görüş keçiriləcək.

Oxu.Az xəbər verir ki, görüş Qazaxıstanın Almatı şəhərində baş tutacaq.

Almatıda Azərbaycan və Ermənistan XİN rəhbərləri arasında danışıqlar başa çatıb - YENİLƏNİB + VİDEO