17 
May
2018
11:08
205
119
15335
Virtual karabakh

Çağatay Ulusoya dörd il iki ay həbs cəzası – VİDEO

Məşhur türkiyəli aktyor Çağatay Ulusoya beş ildən sonra narkotik ticarəti ilə məşğul olması səbəbilə 4 il 2 ay həbs cəzası verilib.

Oxu.Az xəbər verir ki, cəza dəqiqləşərsə, Ulusoy 1 il 9 ay həbsdə qalacaq.

Aktyor haqqında verilən həbs cəzası Beynəlxaq dijital TV platforması “Netflix”də yayımlanan ilk türk serialı – “Muhafız”ın çəkilişlərində problem yaradıb.

Belə ki, serialın baş rolunu oynayan Çağatayın yerinə başqası keçə bilər.

Mövzu ilə əlaqədar “Netflix” və Çağatay Ulusoydan heç bir açıqlama gəlməyib.

Qeyd edək ki, Çağatay 2013-cü ildə narkotikdən istifadə etdiyini etiraf etmişdi.

“Bizim sahədə çoxları narkotikdən istifadə edir. Həmin dönəmlərdə “Emirin yolu” serialında oynayırdım. Psixoloji olaraq sıxıntılarım var idi. Daha çox istifadə etməyə başladım. Ancaq heç kimə narkotik vermədim”, – deyə aktyor bildirmişdi.

Onu da bildirək ki, Ulusoyla yanaşı, aktrisa Gizem Karaca, Cemal Hünal, Yusuf Akgün, Ergün Taş, müğənni Cenk Eren, DJ Nuri Kösem, Ayşe Selin Boronkayın da aralarında yer aldığı 34 nəfər mühakimə olunub.

Pərviz Hüseyn
www.oxu.az

Bizimlə əlaqə saxlayın

Digər Şou-biznes xəbərləri