ANS-in aparıcısı işdən çıxdı

“Şoubiz+” verilişinin aparıcısı İsa Şükürov çalışdığı ANS kanalını tərk edib.

Oxu.Az xəbər verir ki, o, Facebook səhifəsində ərizəsinin surətini paylaşıb:

“Bəzi saytlarda mənim işdən qovulmağım haqda məlumat yayılıb. Mayıs müəllim deyib ki, onun belə şeylərdən xəbəri yoxdur. Hörmətli Mayıs müəllim, xəbəriniz yoxdursa, Mirşahin Ağayev sizdən elə də uzaqda oturmur. Gərək ondan maraqlanıb soruşardınız. Eybi yox, növbə mənə çatdı. Belə xəbərlərlə gündəmə gəlmək istəmirdim. Bu da mənim işdən ayrılmaq ərizəm. Lazım gəlsə, növbəti məktubları da açıq şəkildə paylaşa bilərəm. Mən ərizəmi 8 oktyabrda yazmışam. Xatırladım ki, Umka Hacıyeva da işdən öz istəyi ilə çıxmışdı. Sonra onun haqqında da ANS-dən qovulmuş kimi xəbər yaydılar. Taktikanı dəyişin heç olmasa”.

Qeyd edək ki, ANS-in İctimaiyyətlə Əlaqələr Departamentinin rəhbəri Mais Məmmədov ölkə.az-a açıqlamasında bu sözləri bildirib:

“ANS-ə gündə 5-10 nəfər işə girir, 5-10 nəfər də işdən çıxır hamısı yadımda qalmır”.

www.oxu.az