Zaqatala rayonunda ana ölümü baş verib.
Bu barədə Səhiyyə Nazirliyindən Oxu.Az-a verilən açıqlamada deyilir.
Rayon sakini, 1994-cü il təvəllüdlü Karatova Sevgiya Eyyub qızı Zaqatala Rayon Mərkəzi Xəstəxanasında qeysəriyyə yolu ilə uşaq dünyaya gətirib:
“İkinci hamiləliyi olub. 2700 qramlıq oğlan uşağı dünyaya gətirib. 2017-ci ildə qeysəriyyə yolu ilə ana olub. Bir il keçməmiş yenidən hamilə qalıb. Hamiləliyin 37-38 həftəsində yenidən qeysəriyyə üçün xəstəxanaya müraciət edib”.
Nazirlikdən qeyd edilib ki, mərhumun dünən 20:50-də halı anidən pisləşib:
“Sianor diaqnozu qoyulub, təngnəfəslik müşahidə olunub. Bütün reanimasion tədbirlər aparılsa da, onun həyatını xilas etmək mümkün olmayıb”.
Meyit Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinə təhvil verilib. Hadisə Prokurorluq və Səhiyyə Nazirliyinin Doğuşayardım Komissiyası tərəfindən araşdırılacaq.
İlhamə Əbülfət
www.oxu.az
