Türkiyədə yaşayan azərbaycanlıların sayı açıqlandı

Türkiyə Statistika Komitəsi ölkədə yaşayan azərbaycanlıların sayını açıqlayıb. 

Məlumat “Turizmgazetesi.com” portalında dərc edilib. 

Statistikaya əsasən, Türkiyədə 36 min 543 azərbaycanlı yaşayır. 

Ümumilikdə, Türkiyədə 650 min 308 əcnəbi yaşayır ki, bunlardan 310 min 147 nəfəri kişi, 340 min 161-i qadındır. 

Ümumi əcnəbilərin 63 min 697 nəfəri İraq, 69 min 873-ü Almaniya, 56 min 647-si isə Suriya vətəndaşlarıdır.