Şagirdə qarşı qeyri-uyğun hərəkət edən müəllimlə bağlı AÇIQLAMA

Bakı şəhəri 189-190 nömrəli tam orta məktəbin musiqi müəllimi tərəfindən şagirdə qarşı qeyri-uyğun davranışla bağlı sosial şəbəkədə yayılmış məsələ ilə əlaqədar Bakı Şəhəri üzrə Təhsil İdarəsi tərəfindən müvafiq araşdırma aparılacaq. 

İdarədən Oxu.Az-ın sorğusuna cavab olaraq bildirilib ki, araşdırmanın nəticələri barədə məlumat veriləcək.

Qeyd edək ki, məktəbdə müəllim-şagird münasibətləri hər zaman diqqət mərkəzində saxlanılır, uşaqların psixoloji dayanıqlılığının artırılması və məktəb-valideyn əməkdaşlığının inkişafı məqsədilə müvafiq tədbirlər həyata keçirilir, davamlı olaraq zəruri maarifləndirmə işləri görülür. Bu kimi məsələlərin həllində uşaqların psixoloji zərər görməməsi əsas amil kimi diqqət mərkəzində saxlanılır.

İlhamə Əbülfət