11 
Apr
2022
15:56
20
136
2780
Virtual karabakh

Lənkəranda axtarışda olan və meyiti tapılan şəxs həbsdən yeni çıxıbmış - TƏFƏRRÜAT

11 Apr, 2022
15:56
2780

Lənkəranda axtarışda olan və meyiti tapılan şəxs həbsdən yeni çıxıbmış - TƏFƏRRÜAT

Lənkəranda iki həftədir axtarışda olan və meyiti tapılan 39 yaşlı kişi barədə yeni məlumatlar əldə edilib.

“Kriminalqafqaz”ın məlumatına görə, Nərimanabad qəsəbəsindəki həyətlərin birində cəsədi tapılan 1983-cü il təvəllüdlü Elşən Məmmədov həbsdən yeni çıxıbmış.

Belə ki, bir neçə il əvvəl həbs edilən E.Məmmədov fevralın sonunda azadlığa çıxıb və doğulduğu qəsəbəyə qayıdaraq anası ilə birlikdə yaşayıb. Lakin martın sonunda o, müəmmalı şəkildə yoxa çıxıb.

Onun meyiti ötən gün qəsəbə sakinlərindən biri, uzun müddətdir yaşayış olmayan Nəzakət Abdullayevaya məxsus evin həyətində aşkar edilib. Bundan dərhal sonra hüquq-mühafizə orqanlarına məlumat verilib və araşdırmalara başlanılıb.

Elşən Məmmədovun hansı səbəbdən və hansı şəraitdə ölməsi rayon prokurorluğunda aparılan araşdırmalardan sonra məlum olacaq.

Mərhumun nəşi artıq ailəsinə təhvil verilib və dəfn edilib.

Bizimlə əlaqə saxlayın

Digər Cəmiyyət xəbərləri