13 yaşlı qızın dünyaya gətirdiyi uşağın atası da yeniyetmə imiş – DETALLAR + YENİLƏNİB + VİDEO

13 yaşlı qızın dünyaya gətirdiyi körpənin atasının 15 yaşı olduğu üzə çıxıb.

Lent.az-ın əldə etdiyi məlumata görə, qız illər əvvəl öz atasını itirib. 13 yaşlı qızın anasının 3-cü evliliyi olduğu deyilir. O, ögey ata ilə yaşayırmış.

Ailənin çox kasıb olduğu və butulka sataraq dolandıqları deyilir.

Qeyd edək ki, uşaq 40 həftəlik dünyaya gəlib. Ailə bu hadisəni ört-basdır etmək istəyib və doğum evdə gerçəkləşib. Lakin doğumdan sonra 13 yaşlı qızda qanaxma olduğu üçün məcbur qalıb Təcili Tibbi Yardıma müraciət ediblər.

Elmi-Tədqiqat Mamalıq və Ginekologiya İnstitutundan bildirilib ki, hazırda hər ikisinin vəziyyəti yaxşıdır.

14:26

Elm və təhsil naziri Emin Əmrullayev Bakı şəhərində uşaq dünyaya gətirən 13 yaşlı məktəbli qızın məktəbdən yayınmasından danışıb.

O bildirib ki, məsələ ilə bağlı istintaq orqanları tərəfindən araşdırılma gedir və hər hansı fikir bildirə bilməz:

“Bu Elm və Təhsil Nazirliyinin səlahiyyətinə olan iş deyil. Araşdırma aparıldıqdan sonra ictimaiyyətə məlumat veriləcək. Əgər bizimlə bağlı olan məsələ olarsa, ölçü götürəcəyik”.

13 yaşlı qızın dünyaya gətirdiyi uşağın atası da yeniyetmə imiş – DETALLAR + YENİLƏNİB + VİDEO

İlhamə Əbülfət, Sayad Həsənli