Bakıda səs yazısı yayılan məktəb direktoru CƏZALANDIRILDI - VİDEO
Bakıda səs yazısı yayılan məktəb direktoru CƏZALANDIRILDI - VİDEO
Bakıda səs yazısı yayılan məktəb direktoruna töhmət verilib.
Bu barədə Bakı Şəhəri üzrə Təhsil İdarəsindən Oxu.Az-ın sorğusuna cavab olaraq bildirilib.
Bakı şəhəri 45 nömrəli tam orta məktəbin direktorunun bir müddət öncə ictimailəşən səs yazıları və məktəbin pedaqoji kollektiv üzvlərinin müvafiq instansiyalara müraciəti əsasında aparılan araşdırma nəticəsində təhsil müəssisəsinin rəhbəri Nəcibə Axundovaya Azərbaycan Respublikası Əmək Məcəlləsinin 186-cı maddəsinin 2-ci hissəsinə əsasən, intizam tənbehi kimi sonuncu xəbərdarlıqla şiddətli töhmət verilib.
Hazırda N.Axundova səhhəti ilə əlaqədar müvəqqəti olaraq işə çıxmır. Müalicəsi başa çatdıqdan sonra iş yerinin dəyişdirilməsi məsələsinə baxılacaq.
Qeyd edək ki, bir müddət əvvəl N.Axundovanın rüşvətlə bağlı mediada səs yazısı yayılmışdır.
İlhamə Əbülfət