Azərbaycanın Əməkdar incəsənət xadimi, bəstəkar Ruhəngiz Qasımova ilə vida mərasimi başa çatıb.
Oxu.Az xəbər verir ki, mərhumun nəşi torpağa tapşırılması üçün Yasamal qəbiristanlığına gətirilib.
Ruhəngiz Qasımova burada torpağa tapşırılıb.
14:44
Təzəpir məscidində Azərbaycanın Əməkdar incəsənət xadimi, bəstəkar Ruhəngiz Qasımova ilə vida mərasimi keçirilir.
Oxu.Az xəbər verir ki, mərasimdə incəsənət xadimləri, bəstəkarın ailə üzvləri, yaxınları iştirak edirlər.
Vida mərasimindən sonra mərhum Yasamal qəbiristanlığında doğmalarının məzarının yanında torpağa tapşırılacaq.
Daha çox foto burada: Photostock.az
11:32
Bəstəkar, Əməkdar incəsənət xadimi Ruhəngiz Qasımovanın cənazəsi Honkonqdan Bakıya gətirilib.
Bu barədə APA-ya bəstəkarın qızı Canana Süleymanlı məlumat verib.
Qeyd edək ki, onunla vida mərasimi bu gün 13:00-dan 16:00-dək Təzəpir məscidində olacaq. Ruhəngiz Qasımova Yasamal qəbiristanlığındakı ailə məzarlığında dəfn ediləcək.
Xatırladaq ki, Ruhəngiz Qasımova oktyabrın 9-da Honkonqda böyrək çatışmazlığından vəfat edib.
