Bakıda qırmızı işıqda keçən “Toyota” qəza törətdi: Xəsarət alan var - VİDEO

Paytaxtın 8 Noyabr prospektində yol-nəqliyyat hadisəsi baş verib. 

Bu barədə görüntülər sosial şəbəkələrdə yayılıb. 

Belə ki, iki minik avtomobili toqquşub. Zərbənin təsirindən nəqliyyat vasitələrindən biri aşıb.

Qəza ilə bağlı Oxu.Az-a açıqlama verən Bakı Şəhər Dövlət Yol Polisi İdarəsinin polis mayoru Araz Əsgərli bildirib ki, bu gün saat 15:00-da “Toyota Camry” markalı avtomobil işıqforun qırmızı işığından keçib və BMW markalı avtomobillə toqquşub:

“Daha sonra BMW markalı avtomobil dirəyə çırpılıb və aşıb. Baş verən hadisə zamanı xəsarət alan var. Araşdırma aparılır”.

Oxu.Az-ın əldə etdiyi məlumata görə, qəza zamanı təhlükəsiz şəhər kamerası da yararsız vəziyyətə düşüb.

Həmin qəza yerindən görüntüləri təqdim edirik:

İlhamə Əbülfət