Paytaxtın Nəsimi rayonunda piyada səkiləri zəbt olunub - FOTO

Bakının mərkəzi küçələrində piyadalar üçün nəzərdə tutulmuş səkilər zəbt edilib. 

Oxu.Az-ın məlumatına görə, Nəsimi rayonunun Dilarə Əliyeva küçəsində piyada səkiləri ayrı-ayrı şəxslər, ofis sahibləri tərəfindən tutulub. 

Nəticədə həmin səkilərlə təhlükəsiz şəkildə hərəkət etməli olan piyadalar böyük çətinliklərlə üzləşirlər.

Səkilər zəbt olunduğu üçün piyadalar avtomobil yolu ilə hərəkət etmək məcburiyyətində qalırlar ki, bu da həm onların həyatı, həm də sürücülər üçün təhlükə yaradır.

Eyni ünvanda zəbt edilməyən səkilər də var. Lakin onlar da yararsız haldadırlar.

Səkilərdəki problemlərlə bağlı fotoları təqdim edirik:

İlhamə Əbülfət