“Nikosayağı”ya hökm oxundu - YENİLƏNİB + FOTO/VİDEO

“Nikosayağı” ləqəbi ilə tanınan bloqer Nicat Şakirliyə hökm oxunub. 

Oxu.Az xəbər verir ki, bu barədə hökm Bakı Ağır Cinayətlər Məhkəməsinin hakimi Samir Əliyevin sədrliyi ilə keçirilən prosesdə elan edilib.

Hökmə əsasən, Nicat Şakirli 5 il müddətinə azadlıqdan məhrum edilib.

O, cəzasını məntəqə tipli cəzaçəkmə müəssisəsində çəkəcək.

Eyni zamanda, N.Şakirli 3 il müddətinə də sürücülük hüququndan məhrum edilib.

09:37

Bakı Ağır Cinayətlər Məhkəməsində ölümlə nəticələnən yol-nəqliyyat hadisəsində təqsirləndirilən “Nikosayağı” ləqəbi ilə tanınan bloqer Nicat Şakirlinin cinayət işi üzrə məhkəmə prosesi başlayıb.

Oxu.Az-ın məlumatına görə, proses hakim Samir Əliyevin sədrliyi ilə keçirilir.

Prosesdə N.Şakirlinin vəkili çıxış edir.

09:24

Bu gün Bakı Ağır Cinayətlər Məhkəməsində ölümlə nəticələnən yol-nəqliyyat hadisəsində təqsirləndirilən “Nikosayağı” ləqəbi ilə tanınan bloqer Nicat Şakirlinin cinayət işi üzrə məhkəmə prosesi keçiriləcək. 

Oxu.Az-ın məlumatına görə, proses hakim Samir Əliyevin sədrliyi ilə baş tutacaq.

N.Şakirli artıq məhkəmə salonuna gəlib. Onun atası, qardaşı, eləcə də bloqer dostları məhkəmə prosesində iştirak edəcəklər. 

Məhkəmə prosesi 09:30-da başlayacaq.

Daha çox foto burada: PhotoStock.az

Könül Cəfərli