Qarabağda erməni hərbçi növbətçiyə atəş açdı, meyiti tapıldı - YENİLƏNİB
Qarabağda erməni hərbçi növbətçiyə atəş açdı, meyiti tapıldı - YENİLƏNİB
Azərbaycanın işğal olunmuş Qarabağ bölgəsində erməni hərbçi Volodya Hamletoviç Qaloyanın ölümünün təfərrüatı məlum olub.
Ermənistan mətbuatı xəbər verir ki, V.Qaloyan iyulun 23-ü gecə saatlarında təhkim olunmuş silahından baş növbətçiyə atəş açaraq hadisə yerindən qaçıb.
İyulun 24-ü saat 04 radələrində isə onun meyiti avtomatı ilə birlikdə nəzarət məntəqəsindən 50 metr kənarda tapılıb.
Faktla bağlı cinayət işi başlanılıb.
10:54
Azərbaycanın işğal olunmuş Qarabağ ərazisində erməni hərbçi ölüb.
“Sputnik Ermənistan” xəbər verir ki, bu barədə Ermənistan Müdafiə Nazirliyinin mətbuat xidməti məlumat yayıb.
Qeyd edilir ki, iyulun 23-dən 24-nə keçən gecə Qarabağda qoşunların təmas xəttinin cənub sahələrinin birində 2000-ci il təvəllüdlü Volodya Hamletoviç Qaloyan qeyri-müəyyən şəraitdə odlu silahdan açılan atəş nəticəsində yaralanıb və həyatını itirib.