Zimbabvedə hərbçilər Muqabenin məmurlarını həbs etdilər

Zimbabvedə hərbçilər prezident Robert Muqabenin yaxın ətrafına daxil olan bir neçə nəfəri həbs ediblər.

Oxu.Az Report-a istinadən xəbər verir ki, hazırda hərbçilər ölkə paytaxtı Harareyə nəzarət edirlər.

“Əməliyyatlar nəticəsində çox əhəmiyyətli uğurlar əldə etdiyimizi bildirmək istəyirik. Biz cinayətkarların bəzilərini tutmuşuq, təəssüf ki, onların  bir neçəsi gizlənib”, - hərbçilər bildiriblər. 

Həbs olunanların siyahısı açıqlanmasa da, onların prezident Robert Muqabenin yaxın ətrafına daxil olan şəxslər olduğu qeyd edilib. 

N.O.

www.oxu.az