Ağ Ev İrandakı hadisələri “xalq üsyanı” adlandırıb

Ağ Evin mətbuat katibi Sara Sanders İrandakı etirazları  “xalq üsyanı” adlandırıb.

Oxu.Az-ın verdiyi məlumata görə, S.Sanders Vaşinqtonun İran xalqını dəstəklədiyini bildirərək, rəsmi Tehranı fundamental insan haqlarına hörmətlə yanaşmağa çağırıb.

ABŞ-ın BMT-dəki daimi nümayəndəsi Nikki Xeyli bundan əvvəl Vaşinqtonun BMT TŞ-in təcili iclasını çağırmaq niyyətində olduğunu bildirib.

Qeyd edək ki, İranda dekabrın 28-dən davam edən kütləvi etirazlar zamanı 450-dək insanın saxlandığı, 20-dək şəxsin öldüyü bildirilir.

A.M.
www.oxu.az