Gülnarə Kərimovanın Britaniyadakı mülklərinə həbs qoyulacaq

Böyük Britaniya hakimiyyəti Özbəkistanın sabiq prezidenti İslam Kərimovun qızı Gülnarə Kərimovanın ölkə ərazisindəki aktivlərinə həbs qoymaq niyyətindədir. 

Oxu.Az xəbər verir ki, söhbət bir sıra aktivlərdən, o cümlədən G.Kərimovaya məxsus daşınmaz əmlakdan gedir. 

Bildirilir ki, İ. Kərimovun qızının Britaniyada üç daşınmaz əmlakı var. 

Britaniyanın müvafiq strukturları ehtimal edir ki, bu mülklər G. Kərimova və keçmiş əri Rüstəm Madumarovun Özbəkistandakı korrupsiya sövdələşmələrindən əldə etdikləri pulla alınıb. 

Öz növbəsində Özbəkistan prokurorluğu Britaniyanın müvafiq orqanları ilə G. Kərimova ilə əlaqəli olan aktivlərin ölkəyə qaytarılması üçün danışıqlar aparır. 

www.oxu.az