Yerevanda hərbi hissə komandirini güllələdilər

Yerevanda hərbi hissə komandirlərindən birinə hücum olub.

Bu barədə Sputnik Armenia məlumat yayıb.

Hadisə zabitin evdən çıxıb liftə yaxınlaşan vaxt baş verib. Araşdırma zamanı məlum olub ki, hərbi qulluqçunu əvvəllər onun rəhbərliyi altında xidmət edən 57 yaşlı kişi güllələyib. 

Bildirilir ki, hadisəyə səbəb onun bir müddət əvvəl xidmətdən qovulması olub.

Zabit ayağından və qarın nahiyəsindən yaralar alsa da, atəş açan şəxsi tərksilah etməyi bacarıb.