Romantik görüş üçün ən bahalı şəhər hansıdır?

Romantik görüşlər üçün ən bahalı şəhər Sürixdir.

Belə bir nəticəyə “Deutsche Bank Research” təşkilatının hazırladığı “Mapping The World's Prices 2019”adlı araşdırmanın müəllifləri gəlib.

Analitiklər dünyanın 42 ölkəsinin 54 şəhərindəki qiymətləri təhlil edib. Keyfiyyət meyarları kimi taksi ilə gediş-gəliş, iki nəfərlik şam və ya nahar yeməyi, spirtsiz içkilər, iki nəfərlik kino bileti, bir neçə bakal pivə qiymətləri müqayisə olunub. Sürixdə sadalananların hamısı orta statistik cütlüyə 202 dollara başa gəlib.

“Randevu”nun baha başa gəldiyi şəhərlər arasına Oslo (164), Kopenhagen (158 dollar), Tokio (148 dollar), Nyu-York (143 dollar) kimi şəhərlər də yer alır.

Romantik görüşlərin təşkili Mumbay, İstanbul, Buenos-Ayres kimi meqapolislərdə elə də baha başa gəlmir (42-44 dollar arası). Moskva bahalı görüşlərin reytinqində 37-ci yerdə qərarlaşıb.