Maksim Şevçenko koronavirus şübhəsi ilə xəstəxanaya yerləşdirilib

Tanınmış rusiyalı jurnalist Maksim Şevçenko koronavirus şübhəsi ilə xəstəxanaya yerləşdirilib.

Rosbalt.ru xəbər verir ki, jurnalist bu barədə öz “Telegram” kanalında məlumat verib.

M.Şevçenko bildirib ki, bir həftə 38-39 dərəcə temperaturdan əziyyət çəkib. Bu müddət ərzində o, antibiotiklərlə müalicə alıb, evə beş dəfə təcili tibbi yardım çağırmalı olub.

Temperaturu azalandan sonra jurnalist özəl klinikaların birində kompüter tomoqrafiyası müayinəsindən keçib. Ona ağciyərlərin iltihabı diaqnozu qoyulub.

Jurnalistdən COVID-19 testi götürülüb. Testin cavabları hələlik məlum deyil.