Rusiyada koronavirusdan maksimum ölüm qeydə alındı

Rusiyada koronavirusa bir gündə 23 378 yoluxma qeydə alınıb.

“İnterfax” ölkənin operativ qərargahına istinadla məlumat verir ki, virusa yoluxan 737 xəstə həyatını itirib. Bu, pandemiya başlayandan ölüm sayında maksimum göstəricidir.

Ən çox ölüm Moskvada (114 nəfər), Sankt-Peterburqda (99 nəfər), İrkutsk vilayətində (33 nəfər) qeydə alınıb.

Qeyd edək ki, Rusiya koronavirusa yoluxma sayında (5 658 672 nəfər) ölkələr arasında beşinci yerdədir.