Gürcüstanda uçmuş binanın dağıntıları altından uşağın xilas edilmə anı - YENİLƏNİB + FOTO/VİDEO

Sosial şəbəkələrdə Batumidə binanın dağıntıları altından xilas edilən uşaq barədə video yayılıb.

Görüntülərdə 10-a yaxın insanın beton bloku tutduğu, bir kişinin isə azyaşlını dağıntıların altından çıxardığı görünür.

Xatırladaq ki, Gürcüstanın Batumi şəhərində yeddimərtəbəli yaşayış binasının bir hissəsi uçub. Şahidlərin sözlərinə görə, dağıntılar altından hələ də insan səsləri gəlir. İndiyə qədər iki uşaq və bir kişi xilas edilib. Onlar xəstəxanaya yerləşdiriliblər. 

12:36

Gürcüstanın Batumi şəhərində yeddimərtəbəli yaşayış binasının bir hissəsi çöküb.

Hadisənin səbəbi hələlik məlum deyil. Uçqun yerində təcili yardım qrupları, yanğınsöndürənlər və xilasedicilər işləyir. Ərazi polis tərəfindən mühasirəyə alınıb.

İlkin məlumata görə, dağıntılar altında uşaqlar da ola bilər. Şahidlərin sözlərinə görə, evin bir girişi çöküb.

Mənbə: batumelebi.ge