Ermənistan XİN Türkiyə ilə ikitərəfli görüşün keçiriləcəyini təsdiqləmədi - YENİLƏNİB
Ermənistan XİN Türkiyə ilə ikitərəfli görüşün keçiriləcəyini təsdiqləmədi - YENİLƏNİB
“Hazırda Ermənistan və Türkiyənin xüsusi nümayəndələrinin yeni görüşü ilə bağlı razılıq yoxdur”.
Bu barədə Ermənistan Xarici İşlər Nazirliyinin mətbuat katibi Vahan Unanyan məlumat verib.
“Ermənistan-Türkiyə münasibətlərinin normallaşması üçün xüsusi nümayəndələrin görüşləri barədə ictimaiyyəti vaxtında və qabaqcadan məlumatlandırırıq”, - deyə Unanyan bildirib.
Mənbə: Sputnik
13:54
Türkiyə ilə Ermənistan arasında normallaşma prosesi çərçivəsində 5-ci görüşün sentyabr ayında keçiriləcəyi açıqlanıb.
“Proses kövrəkdir, biz davamlı sülhü təmin etməliyik”, - deyə Türkiyə Xarici İşlər Nazirliyinin rəsmisi bildirib.
Qeyd edilib ki, görüş düşmənlərin iclası deyil, ona görə də 3-cü ölkədə keçirilməyəcək.
İki ölkə arasında normallaşma danışıqlarının birincisi yanvarın 14-də Moskvada baş tutub. Bu görüşdə Ermənistan və Türkiyə arasında 2020-ci ildə başa çatan uçuşların bərpasına qərar verilib və qarşılıqlı uçuşlar fevral ayından başlayıb.
Xüsusi Nümayəndələr ikinci iclasını fevralın 24-də, üçüncü iclasını isə mayın 3-də Vyanada keçiriblər. Ermənistan xarici işlər naziri Ararat Mirzoyan 11-13 mart tarixlərində Antalyada keçirilən Antalya Diplomatiya Forumunda iştirak edib.
Dördüncü iclas iyulun 1-də Vyanada baş tutub. Görüşdə Türkiyə və Ermənistanın normallaşma prosesi üzrə xüsusi nümayəndələri - Serdar Kılıç və Ermənistan parlamentinin sədr müavini Ruben Rubinyan iştirak ediblər.
Mənbə: A Haber