İrəvan hava limanında bomba həyəcanı ilə bağlı rəsmi açıqlama - YENİLƏNİB

İrəvanın “Zvartnots” hava limanına bomba qoyulması barədə məlumatın yalan olduğu üzə çıxıb. 

Bu barədə Ermənistan Fövqəladə Hallar Nazirliyinin mətbuat xidməti məlumat yayıb.

Qeyd edilir ki, metronun “Çarbax”, “Şenqavit”, “Baqramyan” və “Drujba” stansiyalarında partlayıcı qurğuların olması barədə xəbərlərin də yalan olduğu müəyyənləşib.

Digər metro stansiyalarında yoxlamalar davam edir.

Mənbə: Sputnik Ermənistan

13:42

Ermənistan Fövqəladə Hallar Nazirliyinə “Zvartnots” hava limanında bomba yerləşdirilməsi barədə məlumat daxil olub.

Bu barədə nazirliyinin mətbuat katibi Hayk Kostanyan məlumat verib:

“Hadisə yerinə minaaxtaranlar və kinoloqlardan ibarət qruplar cəlb edilib. Hazırda iş gedir”.

11:44

İrəvanda metro stansiyaları işini dayandırıb.

Bu barədə Metropolitenin mətbuat xidməti məlumat yayıb.

Qeyd edilir ki, Ermənistan Fövqəladə Hallar Nazirliyinin Milli Böhran Vəziyyətlərində İdarəetmə Mərkəzinə İrəvan metro stansiyalarının minalanması barədə siqnal daxil olub, bununla əlaqədar sərnişindaşıma müvəqqəti dayandırılıb.

Mənbə: TASS