107.7 “AvtoFM” ilin ən yaxşı radiosu oldu – FOTO
107.7 “AvtoFM” ilin ən yaxşı radiosu oldu – FOTO
Qaliblər ictimaiyyət arasında keçirilmiş sorğu nəticəsində müəyyənləşdirilib.
Milli Mətbuat gününün 139-cu ildönümü münasibəti ilə QAFQAZ MEDİA İctimai Birliyinin təsis etdiyi mükafatlar üzrə nominasiyaların təntənəli təqdimetmə mərasimi olub.
Oxu.Az xəbər verir ki, rəsmi şəxslər, millət vəkilləri, tanınmış simalar və media nümayəndələrinin iştirak etdiyi təqdimetmə mərasimində bildirilib ki, qaliblər ictimaiyyət arasında keçirilmiş sorğu nəticəsində müəyyənləşdirilib.
Beləliklə, “İlin ən yaxşı” radiosu nominasiyasında 107.7 “AvtoFM” qalib gəlib. Mükafat radionun baş koordinatoru Zaur Darabzadəyə təqdim olunub.
ATV “İlin telekanalı”, AzTV isə “İlin xəbərlər xidməti” nominasiyasında qalib gəlib.
Qeyd edək ki, 107.7 “AvtoFM” Azərbaycanın Nəqliyyat Nazirliyinin Nəqliyyatı İntellektual İdarəetmə Mərkəzinin nəzdində fəaliyyət göstərir.
