Qətərə – SƏRT XƏBƏRDARLIQ

Bəhreynin xarici işlər naziri Xalid bin Əhməd bin Al Xəlifə rəsmi Dohanın region ölkələri ilə razılıqlara əməl etmədiyi təqdirdə Qətəri “təcili regional müdaxilə ilə hədələyib”.

Oxu.Az-ın məlumatına görə, Al Xəlifə bu barədə öz Twitter səhifəsində yazıb.

“Ya Qətər regiondakı mövcud ümumi müdafiəyə dair razılıqlara əməl edəcək, ya da onu təcili regional müdaxilə gözləyir”, - o yazıb.

Nazirin sözlərinə görə, Qətər qonşu dövlətlərlə diplomatik münaqişədən sonra ölkəyə xarici hərbçiləri dəvət edərək vəziyyəti daha da gərginləşdirib.

“Qətərlə münaqişənin əsası yalnız siyasi arenada olub, xaricdən hərbçilərin dəvət olunması - hərbi gərginliyin artırılması deməkdir. Bunun məsuliyyəti bütövlüklə rəsmi Dohanın üzərinə düşür”, - Al Xəlifə qeyd edib.

S.B.
www.oxu.az