Kreml Putinin sabah Trampla telefonla danışacağını təsdiqlədi

Kreml Rusiya Prezidenti Vladimir Putinlə ABŞ Prezidenti Donald Tramp arasında telefon danışığının martın 18-də baş tutacağını təsdiqləyib.

Oxu.Az xəbər verir ki, bu barədə Rusiya prezidentinin mətbuat katibi Dmitri Peskov məlumat verib.

V.Putinin sözçüsü iki ölkə rəhbəri arasında gözlənilən müzakirənin təfərrüatlarını açıqlamayıb.

09:40

ABŞ Prezidenti Donald Tramp martın 18-də rusiyalı həmkarı Vladimir Putinlə danışmağı planlaşdırdığını açıqlayıb.

Oxu.Az bu barədə TASS agentliyinə istinadən xəbər verib.

"Düşünürəm ki, bizimlə Rusiya arasında hər şey yaxşı gedir. Çərşənbə axşamına qədər nəyisə elan etməyimiz mümkündür. Mən çərşənbə axşamı Prezident Putinlə danışacağam", - deyə Ağ Ev rəhbəri jurnalistlərə verdiyi açıqlamasında vurğulayıb.

D.Tramp bildirib ki, V.Putinlə söhbəti zamanı ərazilər məsələsini müzakirə etmək niyyətindədir.

"Biz ərazilərdən danışacağıq. Elektrik stansiyalarından danışacağıq, çünki bu, böyük məsələdir", - deyə D.Tramp qeyd edib.