2 yaşlı körpə ölümlə mübarizə aparır - Məryəmin gülüşünü solmağa qoymayaq

2 yaşlı Məryəm ölümcül xəstəliklə mübarizə aparır.

Bu barədə Oxu.Az-a onun anası Turanə Bağırova məlumat verib.

O bildirib ki, bir həftə öncə qızının leykozdan əziyyət çəkdiyini öyrəniblər:

"Qızımı qan dəyərlərini yoxlatmaq üçün analizə aparmışdım. Həmin gün leykoz olduğunu öyrəndim. Hazırda Bakıda özəl xəstəxanalardan birində müalicə alırıq. Kimya terapiya olacaq Məryəm. Həkimlər bizə 6 ay ərzində 100 min manat lazım olacağını deyiblər. Əlimdə nəyim var satmışam. 30 min manat toplaya bildim. Bu pulu toplamaq bizim üçün çox çətindir. Xalqımızdan xahiş edirəm bizə dəstək olsunlar. Məryəm hələ çox balacadır. Bədəni iynələrdən göyərib. Onun bu halına necə dözürəm, hələ də anlamıram. Mən Məryəmi ovucumun içində saxlayırdım. Hər şeyinə diqqət etmişəm. İndi onu bu vəziyyətdə görəndə ürəyim dözmür. Hər dəfə onun harasısa əziləndə deyirdim gəl öpüm sağalsın. Amma indi iynələr ağrıdanda deyirəm Məryəm öpüm sağalsın? Mənə deyir daha ana öpəndə sağalmır. 2 yaşında körpənin bunu dərk etməsi çox dəhşətlidir. Qızım üçün güclü olmaq məcburiyyətindəyəm. Xalqıma yalvarıram qızımın yaşaması üçün dəstək olsunlar".

Ailə ilə əlaqə: 0557799271

Unibank: 5243754447670082 (atası Namiq Bağırov adınadır)

2 yaşlı körpə ölümlə mübarizə aparır - Məryəmin gülüşünü solmağa qoymayaq