“28 Mall” “Yenidən məktəbə” kampaniyasına start verir

Yeni tədris ilinin başlanmasına sayılı günlər qalıb. Bununla əlaqədar olaraq, “28 mall” Ticarət Mərkəzi xüsusi olaraq  məktəblilər üçün “Yenidən məktəbə” kampaniyasına start verir və əyləncəli günlər təşkil edir

Oxu.Az xəbər verir ki, kampaniya çərçivəsində mağazalarda xüsusi kolleksiyalar olacaq. Əyləncəli tədbirlər isə 5,6 və 12,13 sentyabr tarixlərində, saat 12:00-dan 14:00-a kimi təşkil olunacaq. Burada məktəbliləri əyləncəli şoular və maraqlı oyunlar gözləyəcək.

“28 Mall” Ticarət Mərkəzinin təşkil etdiyi bu kampaniyanın məqsədi yeni tədris ilində uşaqların ruh yüksəkliyini artırmaqdır.

Qeyd edək ki, “28 Mall” Ticarət Mərkəzi mütəmadi olaraq müxtəlif mövzularda müxtəlif tədbirlər təşkil edir.

“28 Mall”ın ümumi sahəsi 25.000 m2-dir. Mərkəzin ərazisində ticarət obyektləri ilə yanaşı Food Court (alış-veriş ticarət mərkəzlərində yemək üçün ayrılmış xüsusi bölmə) və restoranlar, 1200 nəfərlik kinoteatr və uşaqlar üçün əyləncə yeri də mövcuddur.

Aytən Sadıqzadə
www.oxu.az