Ağdərə-Kəlbəcər yolunda avtomobil AŞDI: Ölənlər var

Ağdərə-Kəlbəcər yolunda ölümlə nəticələnən ağır yol-nəqliyyat hadisəsi baş verib.

"Report"un əldə etdiyi məlumata görə, yolsuzluq avtomobilinin aşması nəticəsində 4 nəfər ölüb, 1 nəfər isə ağır xəsarətlər alıb.

Qəzada Asəf Raquf oğlu Kərimov, Samir Mətləb oğlu Məmmədov, Mütalib Telman oğlu Həsənov, Sərdar İmran oğlu Alxanov aldıqları xəsarətdən hadisə yerində ölüblər.

Qəza zamanı müxtəlif dərəcəli bədən xəsarətləri alan İlkin Qurban oğlu Zülfüqarov isə Bərdə Rayon Mərkəzi Xəstəxanasına yerləşdirilib. Onun vəziyyətinin ağır olduğu bildirilir.

Faktla bağlı araşdırma başlanılıb.