Aranlı kəndinin qəzalı məktəbi - VİDEO

Sınıq pəncərələr, uçuq tavan, dağılmış divarlar. 

Söhbət İmişli rayonunda yerləşən şəhid Yusif Sadatxanov adına Aranlı kənd 1 saylı tam orta məktəbindən gedir. İllərdir qəzalı vəziyyətdə olan təhsil ocağı 1972-ci ildən fəaliyyət göstərir. Məktəbdə iki növbə olmaqla 420 şagird təhsil alır. 

Təhsil müəssisəsinin direktoru Anar Ələkbərov bildirib ki, məktəbin qəzalı vəziyyətdə olması barədə aidiyyəti üzrə məlumat verilib. Yaxın gələcəkdə yeni məktəb binasının tikiləcəyi bildirilir.

Məktəbin gələcək taleyi ilə bağlı Mil-Muğan Regional Təhsil İdarəsindən qeyd olunub ki, Aranlı kəndində olan qəzalı məktəb binasının yenisi ilə əvəz olunması növbəti ilin tədbirlər planına daxil edilib.

Ətraflı Baku TV-nin süjetini təqdim edirik: