Azərbaycan Xarici İşlər Nazirliyi (XİN) Gürcüstana başsağlığı verib.
Bu barədə XİN-in “Twitter” hesabında bildirilib.
“Gürcüstanın Batumi şəhərində yeddimərtəbəli yaşayış binasının çökməsi xəbəri bizi çox kədərləndirdi. Hadisə nəticəsində həlak olanların ailələrinə başsağlığı verir, yaralıların tezliklə şəfa tapmasını diləyirik. Azərbaycan dost Gürcüstanla həmrəyliyini ifadə edir”, - deyə qeyd olunub.
Xatırladaq ki, Batumidə binanın çökməsi nəticəsində altı nəfər ölüb. Gürcüstanın daxili işlər naziri Vaxtanq Qomelauri hadisə ilə əlaqədar üç nəfərin saxlanıldığını, daha üç nəfərin isə axtarışlarının davam etdirildiyini açıqlayıb.
The news on collapse of a seven-story building in #Batumi city of #Georgia very saddened us. We present our heartfelt condolences to the families of victims of the deadly incident & wish speedy recovery to all injured. Expressing solidarity with friendly #Georgia. 🇦🇿🇬🇪 @MFAgovge
— MFA Azerbaijan 🇦🇿 (@AzerbaijanMFA) October 9, 2021
