Azərbaycanda dərman sektoru idxaldan asılıdır - FOTO

“Azərbaycanda dərman sektoru idxaldan asılıdır”. 

Bunu Oxu.Az-a açıqlamasında Beynəlxalq Əczaçı Günü və Respublika əczaçılarının 3-cü konfransı zamanı “Əczaçılar Qrupu” İctimai Birliyinin sədri Şövqi Bünyatov deyib. 

Onun sözlərinə görə, konfransın əsas mövzusu əczaçılar sektorundakı problemlərdir:

“Biz burada əsas hədəfi istehsal üzərində qoymaq istəyirik. Azərbaycanda dərman sektoru idxaldan asılıdır. 95 faiz məhsul idxal olunub”. 

Ş.Bünyatov pandemiya zamanı Azərbaycanda dərman qıtlığı olduğunu qeyd edib: 

“Pandemiyada dərman qıtlığı müşahidə olunurdu. Yerli istehsal zəifdir. 2016-cı ildən yerli istehsalla bağlı böyük ərazi ayrılmışdı. Yerli istehsal üçün 30-40 zavod olmalıdır ki, dərman təhlükəsizliyi təhdid altında olmasın”. 

PhotoStock.az-ın tədbirdən lentə aldığı görüntüləri təqdim edirik:

Daha çox foto burada: Photostock.az

Nəzrin Vahid