Salyan rayonunun iki böyük kəndində elektrik enerjisinin verilişində ciddi fasilələr yaranıb.
Bu barədə Oxu.Az-a kənd sakinləri məlumat veriblər.
Onların sözlərinə görə, son sutka ərzində Şorsulu və Boranıkənd kəndlərində elektrik enerjisinin verilişi 3-4 dəfə olmaqla saatlarla dayandırılıb.
Məlumata görə, hazırda da hər iki kəndə elektrik enerjisi verilmir. Nəticədə kənd sakinləri qaranlıqda qalıblar.
Elektrik təchizatında yaranan problemin səbəbi və enerjinin nə vaxt bərpa olunacağı isə hələlik məlum deyil.
İqbal Ziya